1. Decisión do tema
-
Elección dun proxecto motivador, que suscite interese e que ofreza múltiples posibilidades de enfoque.
-
Elaboración das liñas básicas, tendo en conta os obxectivos previstos.
-
Presentación do proxecto, ofrecendo suxestións para o seu desenvolvemento polos departamentos.
-
Insistencia na necesidade de vincular o tema proposto cos contidos curriculares e na importancia da alfabetización informacional.
​
2. Planificación das tarefas
-
Selección dos recursos existentes e exposición dos mesmos na biblioteca.
-
Proposta de compra de novas adquisicións que axuden a desenvolver o proxecto.
-
Selección de fontes de consulta en internet.
-
Establecimento do calendario para que os departamentos inicien o seu traballo.
-
Elección de datas a conmemorar en cada un dos trimestres.
-
Propostas de concursos e deseño dos mesmos.
-
Organización das actividades propostas.
-
Elaboración de documentos informativos e publicación no blog.
-
Exposición de materiais elaborados nas cortizas e corredores.
​
3. Execución do proxecto
A biblioteca deseñará e elaborará a información necesaria para dar a coñecer distintos aspectos dos pobos indíxenas e minoritarios Tamén, ofrece suxestións de temas a tratar:
-
Enfermidades sen erradicar.
-
Atletas destacados.
-
A muller no deporte.
-
Explotación de recursos polas multinacionais.
-
Ungüentos, pócimas, herbas medicinais…
-
A defensa da terra.
-
Os dereitos dos pobos indíxenas.
-
Movementos en defensa destes pobos.
-
A información que coñecemos destes pobos a través dos medios de comunicación.
-
Os pobos indíxenas no mundo: distribución xeográfica.
-
As linguas indíxenas e minoritarias.
-
Os ritos e crenzas.
-
As manifestacións artísticas: literatura, música, danza, artes plásticas.
-
Comparación entre a estrutura familiar destes pobos e outras culturas.
-
Situación da muller.
-
As pinturas na cara e corpo e o vestiario.
Ademais destas suxestións, pódense consultar as páxinas propostas para a Hora de Ler.
​
O profesorado poderá tratar calquera aspecto relacionado co tema proposto. Esta elección debe estar vinculada aos contidos curriculares do nivel no que se propoña, para acadar un mellor aproveitamento educativo. A cada departamento se lle asignará unha semana na que debe iniciar o seu traballo, reservando a biblioteca para este fin. O produto final será exposto nos corredores do centro e/ou publicado na web.
​
Non debemos esquecer que o obxectivo do Proxecto Documental Integrado é, conseguindo a máxima participación, desenvolver as habilidades e destrezas do alumnado no campo da alfabetización informacional e da alfabetización múltiple, que lle axuden a acadar as competencias clave, utilizando a biblioteca escolar como fonte de recursos e como espazo no que desenvolver estes proxectos. É importante, polo tanto, que o alumnado acoda á biblioteca para buscar información, para aprender a manexala (selección de fontes, selección de textos, imaxes, gráficos; análise, síntese e comprensión dos mesmos) e para saber comunicala a través dos produtos finais. A fin de realizar esta tarefa, a biblioteca proporciona recursos, que poden ser de utilidade.
​
Finalmente, publicarase na web toda a información resultante das investigacións realizadas polo alumnado dos distintos cursos e materias, a documentación proporcionada polos departamentos e todo o material e actividades organizadas pola biblioteca.
​
4. Avaliación
Para avaliar o proxecto, teranse en conta os seguintes indicadores: elección do tema, grao de participación, variedade e calidade dos produtos finais, recursos ofrecidos pola biblioteca e utilización da biblioteca escolar.
​